top of page

如何與晚期病人溝通

晚期病人面對身體上嘅不適,佢哋會感到焦慮、抑鬱、無助,亦可能會觸發嬲怒情緒,對自己生氣,覺得病咗好冇用;甚至乎對家人生氣,覺得家人唔夠關心自己。佢哋嘅情緒會好矛盾同反覆,特別係當經歷病情變化、不斷出入醫院,情緒會變得更波動,一時緊張,一時沉默,一時憤怒,有時連佢哋自己都察覺唔到呢啲變化。家人面對病人複雜嘅情緒,除咗需要了解同體諒外,可以嘗試以下方法同病人保持良好嘅溝通同關係。


✅ 多觀察,適時關懷

留意病人喺關鍵或者敏感時間(例如入院、出院、覆診、節慶時期、改變居住地方等)嘅情緒變化。


✅ 多聆聽,少批判

同病人傾計嘅時候唔需要急於回應,因為多數嘅病人都只係想有人聽佢講嘢,家人嘅聆聽比回應更重要。家人亦可以嘗試代入病人嘅角色,以同理心積極聆聽,加以接納同體諒。


✅ 給予空間,尊重沉默

有時候,病人係需要空間去消化訊息同處理複雜嘅情緒,喺呢個時候,家人嘅陪伴比說話更加有安慰嘅作用,或者可以嘗試將焦點轉向具體嘅關懷行動,例如幫佢轉換一個舒適嘅姿勢,或者輕輕幫佢按摩,同時俾佢哋有空間沉澱一下。


資料來源:《晚晴心語:智蘊樂活》刊物 — 如何與晚期病人溝通


39 次查看0 則留言

Comentários


bottom of page